港原味 (已搬遷) 新店位置

港原味.港式地道小菜👍🏻👍🏻👍🏻近月因為疫情關係，真係少咗出街食飯。唯獨有一間都令我留下幾深刻印象嘅就係喺奧運站附近嘅「港原味」，餐廳應該新開業無耐，裝修風格都幾特別，有好多香港50-60年代嘅擺切，都幾多打咭位。餐廳主要賣嘅菜式都係香港嘅地道菜。咁要試清楚個廚得唔得，就梗係要叫返幾個佢哋嘅撚手小菜啦。同一般茶餐廳唔同，佢哋竟然係有前菜送埋，仲要係水晶肴肉，非常開胃！本來冇諗住叫例湯，因為以為係出面茶記嗰啲味精水，但見隔離枱個湯又好似好正喎，因為佢哋嘅例湯係一盅盅咁上，仲要非常足料!至於小菜我哋叫咗菜心炒牛肉同埋京都骨，我諗有整開嘢食嘅人都會知道京都骨要整得好食其實係好考功夫嘅！而呢度嘅師傅就真係整得好好，無論肉質，同甜酸度都控制到啱啱好。至於菜心炒牛肉，亦都非常足料，菜心係明顯有揀過嘅，條條都炒得好分明！最後埋單每人都唔使$100 ，質素絕對比起其他茶餐廳好幾倍，非常值得推介！