呢間店舖位於廣華醫院隔離，係油麻地地鐵站行大概6分鐘就到，好方便易搵
一開始店員會好細心咁介紹成個燒烤既流程，好簡單易明
食物既選擇基本上都應有盡有，係餐牌寫想食既數量俾店員，轉個頭就已經拎左俾我地，唔dump 波鐘十分快手
只要將串燒放係個爐上面，佢就會自轉，參考番佢既建議燒烤時間，係食物6-7成熟時加燒烤醬，加上調味粉，食得！
有幾款食物係好建議點
首選係牛舌！
牛吞口感細嫩，入口多汁，而且用呢種燒既方法食落有外脆內軟的感覺，十分推介！
雞蛋仔都係必食！
用雞蛋仔做串燒係好港式同新穎，燒完既雞蛋仔好香雞蛋味，熱辣辣咁食，好脆卜卜，好味
當然唔少得燒雞翼
雞肉好嫩滑，加上燒烤醬，十分滋味
菠蘿十分多汁，酸酸甜甜，食左好多肉後消濟一流
雞皮十分香脆可口，實在邪惡
食到最後半個鐘仲有每人一杯haagen dazs 雪糕，好滿足呀
基本上2個鐘都已經好夠食到所有串燒款式，同食到好飽，所以真係好抵食
值得一提，呢間鋪每首歌都係播廣東話歌，好有親 切感～值得支持！
