新沙洞 (已結業)

草根姐姐喺杏花邨番工，但係喺杏花邨番工真係冇野好食唔係話完全冇得揀，但係地理位置上自成一角，得一個商場，入面大多數餐廳都唔平，你叫岩岩出黎做野嘅小薯點算啫👉👈 由於有個同事好中意食韓國野，仲要次次叫埋同一個飯，所以同佢食飯十有八九都係去新沙洞~蕃茄牛肉手打湯烏冬（$55） 今次叫左個午餐餐牌上面嘅蕃茄牛肉手打湯烏冬，其實原本冇咩期望，不過食落又幾有驚喜佢聲稱嘅手打烏冬真係幾煙韌，口感好唔係拎d 10蚊3包嘅超市貨嚟hea你，而且雖然湯底睇落好清但幾濃味，蕃茄厚切仲要好juicy，牛肉份量都幾多，同明顯醃過，黑椒味重但仲keep到有牛味，中間嘅唔起眼嘅紫菜係亮點蛋可以睇到好熟，如果生d當然更好啦!!!配菜仲加左幾條生菜，感覺上幾健康。Lunch仲有前菜(泡菜一碟)同包杯野飲，草根姐姐揀左杯柑桔特飲都唔洗加錢，味道都唔錯，整體上成個餐無疑係好食嘅，不過味道就比較港式，唔多似係韓國餐咁囉