港口味冰室 (已結業)

周不時都會嚟附近搵食，見到你港口味冰室裝修幾靚，晚餐小菜餐價錢合理而且都選擇不少，所以就試吓～

蝦球叉燒炒滑蛋$68，蝦球同埋叉燒都好多，雞蛋炒得好滑溜～而且大大碟咁！

鴛鴦蝦乾蒸肉餅$75，原來鴛鴦蝦乾即係賴尿蝦乾+紅蝦蝦，加埋落啲肉餅度非常之匹配，充滿鹹香，有少少大澳風味咁樣。

仲叫咗個濃湯紫菜金銀蛋浸時蔬$75，當日嘅時菜就係小白菜，個湯底好清甜，加埋啲紫菜好美味～

整體來講味道同價錢都OK，等我下次晏晝嚟試吓啲港式冰室食物先！