影片
更多
2016-04-13
500 浏览
天氣無咁凍, 約咗班兄弟出黎食下野吹下水. 去咗筲箕灣安安燒, 我地鍾意坐室外, 可以食下煙. 而且呢間餐廳D野食夠惹味, 送啤酒一流, 坐得都舒服同個場都幾乾淨.鍾意佢d燒肉, 皆因燒得香又唔會乾, 咬落肉汁豐富, 尤其係佢個雞翼, 次次食都無失望. 一黎醃得夠味又唔會過咸, 二黎因為佢燒得個皮夠香, 咬落去個心D肉夠嫩滑又多汁, 可以話係黎呢度必食之選. 其次係D丸, 食落無雪味, 仲好彈牙, 食得出唔係cheap 野, 最鍾意佢個雙重芝心丸 (佢仲有隻係芝心丸, 不過雙重呢隻就濃味好多), D芝士真夠濃夠香, 食落好有口感. 燒魚皮餃都好過癮, 煙煙韌韌好有勁. 燒菜都唔差, 平時燒菜會怕好乾, 佢落咗D燒汁可以保持到個濕度, 個汁味道啱啱好, 唔會太咸搶咗D味, 正!唯一唔好就係冬天坐室外會比較凍, 要去食又想坐室外的朋友記得帶多件衫.
鍾意佢d燒肉, 皆因燒得香又唔會乾, 咬落肉汁豐富, 尤其係佢個雞翼, 次次食都無失望. 一黎醃得夠味又唔會過咸, 二黎因為佢燒得個皮夠香, 咬落去個心D肉夠嫩滑又多汁, 可以話係黎呢度必食之選. 其次係D丸, 食落無雪味, 仲好彈牙, 食得出唔係cheap 野, 最鍾意佢個雙重芝心丸 (佢仲有隻係芝心丸, 不過雙重呢隻就濃味好多), D芝士真夠濃夠香, 食落好有口感. 燒魚皮餃都好過癮, 煙煙韌韌好有勁. 燒菜都唔差, 平時燒菜會怕好乾, 佢落咗D燒汁可以保持到個濕度, 個汁味道啱啱好, 唔會太咸搶咗D味, 正!
唯一唔好就係冬天坐室外會比較凍, 要去食又想坐室外的朋友記得帶多件衫.
4 浏览
0 赞好
0 留言
3 浏览
0 赞好
0 留言
张贴
