珠記 (裝修中)

港島人喺港島食海鮮，唔想比人劏到一頸血，可以去鴨脷洲市政大樓2樓珠記。市政大樓內有3間大排檔，珠記位於角落位置，夜夜笙歌，每晚都有好多人幫襯（始終係老字號，由老爺爺個代開始做，宜家由女兒們繼承，幾姐妹一齊拍住上，係人情味！）椒鹽魷魚，配幾舊菠蘿幾得意啊哈哈！總有一碟仔酸酸甜甜汁。椒鹽九肚魚。不過不失，唔係太粉。珠記小炒王。每間餐廳既小炒王都係靈魂所在，選材盡顯廚師心思。珠記版就有要過、豬肝、青椒、洋蔥等等好惹味。蒜蓉粉絲蒸扇貝，幾多舊都係豐儉由人，大可以同餐廳商量。薑蔥奄仔蟹，非常多膏OMGGGGGG！！見唔見到成舊膏就來跌出來了！心血來潮想食臘味飯，一聲就10分鐘有了！蛋絲係出奇地香。珠記完全令我願意千里迢迢專程去南區食飯，同姐妹們見見面，互相支持鼓勵下。