東海酒家 (已結業)

十幾年前, 第一次食灣仔 “海都”, 格調高級, 點心水準一流, “啫啫生菜煲” 一試難忘. 此後食過同系嘅 “東海”, 一樣咁掂. 過去幾年“大眾化” 咗, 雖然服務質數不可同日而語, 食物水平仍然Ok. 今日四人飲茶飯局, 點咗六款點心, 四款廚部食物.🥢 東海蝦餃王. 皮薄餡靚.🥢 蟹皇燒賣. 發揮出色.🥢 灌湯小籠包. 以酒樓嚟講, 算係唔錯. 皮薄, 又唔會薄到穿, 肉汁還好.🥢 韭黃鮮蝦腸粉. 正常.🥢 七味豆腐. 外脆內嫩.🥢 啫啫蝦醬生菜煲. 名菜之一, 蝦醬味道同生菜神級配合. 雖然水準大不如前, 仍然係必點項目.🥢 胡椒鹹菜豬肚. 味道不俗.🥢 醬汁金錢肚. 味道調教準確. 我鍾意.🥢 XO醬蒸鳳爪. 醬汁較為 “渴撻撻”. 可以嘅.🥢 鮑汁鳳爪. 味道一流, 最緊要鳳爪夠腍.🤗 總結: 點心出色, 水準穩定, 服務還可以, 一分錢一分貨. 性價比有吸引力, 港島東飲茶之選.