南島

营业中

休息中

閒日傍晚時分去咗南島，食咗個晚餐。 南島位於西灣河站距離地鐵站大概 5分鐘路程就到 ，十分方便 。餐廳地方闊落 ，環境乾淨清潔， 職員都好有十分友善。食物方面叫咗串燒， total有4串，可選擇豬牛雞，三選二。我就叫咗 雞同牛， 串燒燒到香噴噴每串個size都好唔小。 肉質燒到 唔會好乾身，剛剛好， 再配埋個沙爹醬， 唔錯。之後再叫咗個泰式炸蝦餅，有四件 ，一分為二total有八小件 。蝦餅炸得非常香脆， 肉質彈牙， 再配埋個泰式醬泰式辣醬，正！最後叫多咗個大蝦米紙卷， 大蝦米紙卷皮非常之薄，裏面包住 大蝦同一些爽口嘅 甘筍條 椰菜條等等，令到成個口感非常fresh, 再配埋有一個芒果醬, 簡直係非常開胃。其實餐廳除咗呢啲小食之外，仲有好多唔同特色嘅星馬泰菜式， 適合大棚人。