影片
更多
2022-01-26
14 浏览
最近朋友係銅鑼灣搵到間價錢相宜，可以坐得舒服既餐廳，於是約左週末lunch坐低慢慢咁girl talk，消磨下時間。本身打算叫焗飯/意粉，不過見鋸扒都係$6x-$8x，而且大家又想食薯菜，所以叫左兩份扒餐。朋友叫左日式照燒鯖魚併鑊仔牛扒配燒汁，我就點左肉眼牛扒配黑椒汁。先上左兩份鬆餅同餐湯，鬆餅食落都幾飽肚，同朋友都係食左半份留肚食扒。餐湯只有雜菜湯，對於鍾意飲忌廉湯既朋友有啲失望，好彩味道都唔差，所以朋友雖然唔鍾意雜菜湯都飲曬。不過對於鍾意飲雜菜湯既人，感覺差了一點點既辛口感。牛扒上碟，同餐牌幅圖唔同有驚喜，餐牌幅圖係普通白色碟，依傢上枱係熱辣辣既鐵板，係冬天聽住啲滋滋聲食慾即刻大增。雖然唔鍾意食魚怕魚腥味，不過淺嘗朋友既鯖魚都可以，無腥既感覺。我哋互切一半牛扒俾對方，肉眼雖然厚切但肉質軟腍適中，即使有部分地方有筋膜相連，都唔洗好費力切開，而且醃得好好，就咁食都好好食，當然配埋黑椒汁就更香更惹味。肉眼望落都有7-8成熟(好怕食太生既牛)，但都仍然保持到肉汁唔乾身同埋軟腍，真係幾驚喜。至於朋友既鑊仔牛扒，肉質同樣軟腍，雖然比肉眼薄，但味道唔會遜色過肉眼，而且牛味更香濃，鍾意食牛既應該會
本身打算叫焗飯/意粉，不過見鋸扒都係$6x-$8x，而且大家又想食薯菜，所以叫左兩份扒餐。
朋友叫左日式照燒鯖魚併鑊仔牛扒配燒汁，我就點左肉眼牛扒配黑椒汁。
先上左兩份鬆餅同餐湯，鬆餅食落都幾飽肚，同朋友都係食左半份留肚食扒。
餐湯只有雜菜湯，對於鍾意飲忌廉湯既朋友有啲失望，好彩味道都唔差，所以朋友雖然唔鍾意雜菜湯都飲曬。不過對於鍾意飲雜菜湯既人，感覺差了一點點既辛口感。
牛扒上碟，同餐牌幅圖唔同有驚喜，餐牌幅圖係普通白色碟，依傢上枱係熱辣辣既鐵板，係冬天聽住啲滋滋聲食慾即刻大增。
雖然唔鍾意食魚怕魚腥味，不過淺嘗朋友既鯖魚都可以，無腥既感覺。
我哋互切一半牛扒俾對方，肉眼雖然厚切但肉質軟腍適中，即使有部分地方有筋膜相連，都唔洗好費力切開，而且醃得好好，就咁食都好好食，當然配埋黑椒汁就更香更惹味。肉眼望落都有7-8成熟(好怕食太生既牛)，但都仍然保持到肉汁唔乾身同埋軟腍，真係幾驚喜。
至於朋友既鑊仔牛扒，肉質同樣軟腍，雖然比肉眼薄，但味道唔會遜色過肉眼，而且牛味更香濃，鍾意食牛既應該會更加鍾意個陣牛香味，而且配燒汁一啲違和感都無。
餐飲只係點左熱檸蜜，檸檬新鮮無苦澀味道唔錯。
整體嚟講，扒餐性質比高，而且鐵板餐佢又可以做到唔會好油膩，都幾值得一試。
张贴
