上海姥姥 (德福廣場2期)

後生時好鍾意食日本菜呀西餐呀咁，到有返咁上下年紀（姐姐年紀都唔細了咳咳）發現中國菜都好味！一黎啱口味，二黎多數食完暖笠笠唔會生冷（女人好忌生冷架 ...），三黎好啱一大班人食！

不過好多時中國菜的鋪頭都會好娘或者好污糟（講緊好味果啲）。之前都有幾間去開，但又執左（我好鍾意去大力棒棒食中菜飲燉湯 ...），直至我發現德福開左上海姥姥！

其實坊間好多上海乜乜物物，姥姥聽落優雅啲，而且裝修都好靚，位又坐得舒服！

重點係野食！野食呀！

姥姥精選冷拼

$85

上海菜我最鍾意食冷盤！呢度既醉雞超好食！夠滑又入味，啲雞件都唔係奇怪位，超好味呀！另外海蜇都係我最愛，哈哈哈，可惜啲外國朋友成日都唔識得欣賞 -____-

另外分別係肴肉、素鵝、烤麩同埋青瓜，全部都好 fresh 好開胃！仲要自己拼三樣都只要 $85，可以一次過食幾冷盤，超正！

一品海膽蟹粉拌麵

$138

另外係呢個海膽蟹粉拌麵！超香口囉！

一品海膽蟹粉拌麵

$138

之前都諗咁樣 fushion 會唔會好怪 ... 不過啲麵加左蟹粉勁香口，條條都有蟹粉味，仲要加埋鮮味既海膽，勁好味！

排骨拉麵

$50

講起拉麵都不得不提呢個排骨拉麵！

排骨拉麵

$50

佢地啲拉麵係師傅即場手拉的！每條都見到有少少粗幼分別，呢啲就係手拉的證明！食落真係煙韌好味好多！

招牌小籠包

$35

上海菜當然要有小籠包！佢地四粒包都係 $35，又係超抵！爆 juicy 唔在講，豬肉仲好有咬口，好鮮甜！

其他上海菜都好好味，menu 都仲有好多選擇！

黑醋骨

$78

黑醋骨好惹味，鍾意啜骨必食！

鹹肉津白

$62

記得一定要食下菜呀哈哈！

黃金蝦球

$118

黃金蝦球，啱晒鍾意鹹蛋黃既人食，隻蝦仲勁彈牙～

終於到我最期待的甜品囉！！！

蘆薈桂花丸子蜜

$28

蘆薈桂花丸子！痴線集結晒我最鍾意既野食！丸子勁煙韌，仲有爽口蘆薈，完全諗唔到中菜有啲咁現代既甜品！

奶黃南瓜餅

$36

奶黃南瓜餅係煙韌外皮包住奶黃餡，超滿足！

雪梨紅棗茶

$18

仲有養生之選雪梨紅棗茶，女士真係一定要飲呀，補呀。

成完成餐咁好味，坐下 chat 下咁，每人都只係百幾蚊咋嗚呀！