Grove Cafe (已結業)

話說朋友港大畢業，邀請我去影畢業相。係百周年校園影完之後，就去左附近既Grove cafe度食飯醫肚。我就叫左滑蛋吉列豬扒丼，配沙律同埋麵豉湯 (HKD 42)。吉列豬排分量大，但係炸得有d油膩，同埋d日本米整得有d硬。但係賣相黎講係唔錯，而且仲有d紫菜絲同蔥花係上面。 至於個沙律，就有蕃茄，菜同栗米，分量較少，而且賣相一般，個菜有d老，而且唔太好味。 唯一值得加番分既就係個麵豉湯，唔會過咸或者太濃味，算係幾清甜。整體黎講，我覺得還可以。