港嘢茶檔 (已結業)

今晚係九龍仔跑完步就順手落九龍城試呢間咁有特色既茶記！先唔好講野食，我覺得裝潢都已經好吸引，麼登式既懷舊，感覺唔老土，反而更年輕。粉麵餐與我無緣，因為只係做到晚上六點，我黎到時就只有全日早餐同新派港嘢揀。好快食物就到！好香好濃既茄湯呀！呢個牛肉茄通真係唔錯，茄湯好濃唔稀，甜得黎有少少酸，好味又開胃！雖然餐牌寫鮮牛肉，但店員落單時都有同我講明裡面係用牛腩，不過估唔到牛腩份量都幾少，而且舊舊都細細粒咁，有d似五香肉丁。另外我仲叫左一份蛋牛治，呢個就普通啦，用厚方包，蛋唔係特別滑，咸牛肉份量都偏少，不過我冇叫烘底，大家如果想試可能叫烘底會香口d。