Bistro Hoi An

营业中

休息中

今次去到一個渡假勝地食越南菜，餐廳位於黃金海岸商場，帶歐陸風設計，樓底好高且掛滿燈籠，仿如置身越南會安。越南蜜柚燒烤沙津每次都必點嘅柚子沙律，燒烤過嘅蝦肉，份外香口，柚子肉酸酸甜甜，一個好開胃嘅前菜。鑊仔安格斯牛柳粒烤牛骨髓安格斯牛柳粒入口軟腍多汁，店員教路將骨髓拌勻牛柳粒一齊食，食落牛味更濃郁，一口一粒方便食用。特式蛋咖喱炒軟殼蟹軟殼蟹炸至金黃色，入口香脆，有成6件咁多，份量幾充足，咖喱汁味道濃郁，伴有四件小件法包，蘸咖喱汁食更滋味。肉鬆炒椰菜花椰菜花輕輕炸過，再用蝦乾、香茅同九層塔炒香，上面鋪滿肉鬆，配搭幾特別。焦糖谷爆香蕉香蕉燒過令味道更香甜，伴有雪糕同焦糖谷爆，口感層次豐富。VIRGIN MANGO-ORANGE MOJITO/LATTE用咗青檸、橙、芒果同薄荷製成嘅mocktail，味道幾fresh。