影片
更多
2022-07-18
66 浏览
不嬲都覺得渝味曉宇好好食，之前都食過幾次，火鍋嘅質素都好高質，見到佢哋出咗個生酮火鍋好似幾得意，打邊爐都可以食住瘦？啱晒女仔想食又怕肥，冇理由唔去試吓嘅😆😆🍴餐前糖水 (7/10)甜甜地嘅木耳紅棗糖水，木耳好林好重紅棗味。🍴 養生花膠鷄鍋（生酮）另外再加$20 下午茶鍋底免費 (7/10)湯底花膠雞，有花膠同埋雞蟲草花，非常清香，食到有少少花膠同埋雞嘅味道，比較淡口，啱晒又想keep fit又想打邊爐嘅人！雞件幾香濃嘅雞味，食得出係冰鮮雞。有八舊，花膠好香，充滿膠質，有口感有彈性，真係食得靚料。🍴普通辣大紅鍋 $0 下午茶鍋底免費 (8/10)普通辣火鍋，都真係不容睇小，佢都算係中辣程度，但係好香口好過癮。🍴毛肚 $78 半份 (8/10) 煮10秒鐘，非常爽口！🍴黃喉 $58 半份 (7.5/10)煮30秒，都係非常爽口。🍴鴨血 $48 半份 (8/10)好嫩滑，好似食緊硬身少少啫喱咁，好香🍴滕椒牛舌 $68 半份 (9/10)好爽口有彈性，好香麻辣味，好過癮！🍴鵝腸 $68 半份 (5/10)爽口比較有韌性，今次食冇上次咁鮮味，有少少腥。🍴 黑松露墨魚滑 $58 半份 (10/10
🍴餐前糖水 (7/10)
甜甜地嘅木耳紅棗糖水，木耳好林好重紅棗味。
🍴 養生花膠鷄鍋（生酮）另外再加$20 下午茶鍋底免費 (7/10)
湯底花膠雞，有花膠同埋雞蟲草花，非常清香，食到有少少花膠同埋雞嘅味道，比較淡口，啱晒又想keep fit又想打邊爐嘅人！雞件幾香濃嘅雞味，食得出係冰鮮雞。有八舊，花膠好香，充滿膠質，有口感有彈性，真係食得靚料。
🍴普通辣大紅鍋 $0 下午茶鍋底免費 (8/10)
普通辣火鍋，都真係不容睇小，佢都算係中辣程度，但係好香口好過癮。
🍴毛肚 $78 半份 (8/10)
煮10秒鐘，非常爽口！
🍴黃喉 $58 半份 (7.5/10)
煮30秒，都係非常爽口。
🍴鴨血 $48 半份 (8/10)
好嫩滑，好似食緊硬身少少啫喱咁，好香
🍴滕椒牛舌 $68 半份 (9/10)
好爽口有彈性，好香麻辣味，好過癮！
🍴鵝腸 $68 半份 (5/10)
爽口比較有韌性，今次食冇上次咁鮮味，有少少腥。
🍴 黑松露墨魚滑 $58 半份 (10/10)
香濃黑松露味，好彈牙，仲食到花枝粒，好好食！
🍴嫩牛肉 $48 半份(9/10)
牛肉好嫩滑，質感係比較鬆軟有口感，都幾好食！
🍴海帶麵 $38 半份(9/10)
真係超級爽口，每條咬一下就爆開，食落感覺好輕盈，一啲罪惡咁都冇。
🍴萵筍條 $18 半份 (7/10)
好香，爽口，好健康，中和返食完肉嘅油膩。
🍴手打蝦滑 $48 半份 (10/10)
蝦滑好香濃蝦味，但牙爽口仲有啲蟹子添！
🍴凍豆腐 $18 半份 (5/10)
凍豆腐同平時嘅豆腐唔一樣，質感比較棉密啲，似豆乾，質感都係好淋，有口感。
🍴青檸梳打 $38 (7/10)
飲到Soda起泡，幾清新幾香嘅青檸味，一啲都唔會甜。
🍴生酮雜莓梳打 $48 (7/10)
紅莓藍莓粒，係果乾，一啲都唔甜非常清新有好輕微嘅苺味，少少甜味。
推薦指數: 9/10
今次出嘅生酮火鍋真係好有創意好好食，都值得大家去試吓點樣健康咁打邊爐😆覺得下午茶佢呢段時間真係好抵，鍋底免費，食嘅菜式都係一樣價錢，少人啲坐得舒服啲！除此之外佢有啲二人套餐，一人打邊爐都好多人食，價錢都幾抵，下次都去試吓先🥳
张贴
