New Daily (已結業)

今日嚟到尖沙咀亞士厘道New Daily， 試下生酮食物。嗌咗個日式炭燒牛小扒椰菜花飯卷， 好似食壽司咁 ，沙律醬都係生酮嘅。嗌咗個脆脆豬腩肉自家製泡菜漢堡包+$18轉生酮漢堡包， 大大嚿厚切豬腩肉，好正，個生酮包好似真麵包一樣。隨主食+$20有甜品， 嗌咗個生酮芝士蛋糕， 好好食， 同正常芝士蛋糕冇分別。嗌咗個生酮蛋卷， 都係同真蛋卷冇乜分別，係比較淡味， 要留意 甜品更新咗同餐牌唔一樣。Iced Mocha +$8 轉無糖杏仁奶， 呢個冇咖啡味，冇乜特別。特別留意餐廳係主打外賣， 堂食得吧檯，而且冇冷氣。適合:生酮飲食建議超低碳飲食建議低碳飲食建議總結: 整體嚟講係好好食 ，一定會再試， 試埋其他生酮嘢食例如:椰菜花飯和其他甜品、沙律等等。