唂咕 (已結業)

作為灣仔上班族有口福了。 一杯朱古力減壓之餘，飯後飲解下睡意。 呢間新開嘅朱古力外賣專門店位於船街，紅色裝修特別顯眼。小店搜羅世界各地可可豆，即叫即製出唔同濃度同口味嘅朱古力。奶嘅基底選擇多，可以揀全脂奶、燕麥奶、杏仁奶或椰子奶，甚至植物奶，素食者同飲唔到牛奶嘅人都可以飲到。 🍫70%薰衣草朱古力一向對薰衣草情有獨鍾，睇到少有咁用咗菲律賓嘅70%薰衣草朱古力製成。先品嚐／到濃郁柔滑嘅朱古力，後感受到淡淡清新嘅薰衣草。 ☕️伯爵茶朱古力可可豆輕輕滲出清幽嘅佛手柑香，有啲似陳年茶葉味，配合微甜回甘嘅朱古力，味道獨特。