初見麵 (已結業)

嚟到將軍澳唔知食咩好，見到新開咗間養生養顏嘅健康湯麵，環境乾淨企理，店員又好有禮貌咁樣介紹啲湯麵，一於買返碗返屋企試試先😆老火湯米都有好多款，包括花膠鮑魚椰奶/胡椒豬肚/馬拉肉骨茶/藥膳紅棗雞湯米。今晚想食簡單啲，叫咗個清雞湯米，有齊雞卷紅棗芫荽芽菜同埋肉燥，都幾多材料好豐富✨外賣包裝都幾貼心，佢會將米線同埋湯分開上，咁就唔怕返到屋企索晒啲湯～另外再叫咗個小食豬手返屋企慢慢嘆，加多杯養生嘢飲就更perfect🤩清雞湯米雞湯香甜清澈，飲得出係老火湯，煲得好夠火候～紅棗夠晒甜，加入芫荽同埋芽菜增加鮮味，特別一讚個雞卷嫩滑多汁，加埋肉燥就可以令成個口感更加豐富❣️米線彈牙之餘仲好掛湯～小食加咗個花雕醉豬手，酒香味濃，豬手炆得軟腍入味，好高質👍🏻飲品就叫咗杯自家製特飲，杜仲茶，甘香可口。