滿屋日本料理 (已結業)

滿屋就在銅鑼灣廣場二期，方便至極！因為一早已訂位，嚟到好快就被安排坐位。呢度大部分都係香港人至愛嘅卡位，坐得舒適！一入門口就被酒區吸引，放題仲包埋清酒、梅酒任飲，好杯中物嘅不可錯過！出去行一轉，有D熟食炸物、老火湯、蝦螺蜆、沙律、甜品、生果為自助，當然唔少得令你頭痛嘅飲品櫃啦，有汽、冇汽、啤酒、連Apple Cider都有！要填紙order嘅都唔嘢少，各式刺身、天婦羅、串燒、炸物、燒物、煮物、特色壽司、手卷⋯數之不盡。刺身上枱全部冰鎮，賣相已滿分，而且超新鮮，點少少豉油已經好好味！其他食物都係即製，包保熱辣辣。每人仲有一杯靚雪糕作為總結，記得填紙order呀！