影片
更多
2022-11-06
56 浏览
一直都好想试清酒放题，今日就嚟到大角咀呢间関东酒场试吓佢嘅「松」放题，可以三小时任饮各种唔同嘅生啤、烧酎、清酒、同果物酒，啱晒同朋友边饮边倾计！我同朋友主要都系拣咗啲清酒同果物酒，而家就简单介绍吓几种我哋比较钟意㗎啦！🍶 雪之茅舍呢枝系秋田县既酒，味道带少少甜味，细尝仲有带果实既香气，最后酸度会系口腔内散发，感觉清爽。🍶 伝心放题都跟左几款佐酒小食，唔怕冇野𩠌酒，我地仲追加左几种串烧添！✨关东煮可以每人自选三款食物，我地拣左鱼糕、福袋、虾饼、鱼饼同萝卜。关东煮既汤鲜美甘甜，而啲食物亦煮到好入味，味道浓淡适中。我最中意既系萝卜同鱼糕，萝卜多汁鲜甜，鱼糕超soft，入口即化～✨佐酒小食炸墨鱼咀外层超级脆，但入面既墨鱼咀就非常有咬口，配上蛋黄酱好惹味，好啱用黎𩠌酒；池鱼第一次食，肉质肥美，鱼身部分炸到松软香口，而鱼尾部分就脆卜卜，口感好有变化～煎饺热辣辣，外表煎到金黄色，而且煎到有黄金既脆底，枝豆份量好多，同平时食既冇咩分别～✨串烧叫左鸡心、和牛、菠萝、猪腩肉。呢到既烧猪腩肉同烧鸡心非常出色，猪腩肉肥瘦相间，烧到外层焦香，逼哂啲油出黎，食落唔会好油腻，但有猪油既甘香。鸡心冇奇怪既异味，搽左照
一直都好想试清酒放题，今日就嚟到大角咀呢间関东酒场试吓佢嘅「松」放题，可以三小时任饮各种唔同嘅生啤、烧酎、清酒、同果物酒，啱晒同朋友边饮边倾计！
我同朋友主要都系拣咗啲清酒同果物酒，而家就简单介绍吓几种我哋比较钟意㗎啦！
🍶 雪之茅舍
呢枝系秋田县既酒，味道带少少甜味，细尝仲有带果实既香气，最后酸度会系口腔内散发，感觉清爽。
🍶 伝心[稻|纯米酒
呢枝系福井县既酒，味道轻飘温和，平顺好入喉，女仔一样好啱饮～
🍶薰红茶酒
味道偏甜，适合加冰饮用。用左锡兰红茶同伯爵茶黎酿制，所以拥有非常浓郁既茶香，仲有淡淡既伯爵茶香气。
🍶 尾濑之雪柠檬柚千酒
我超中意呢枝酒！就好饮佢既名咁用左柠檬同柚子酿制，酒精浓度低，口感温和，饮落就好似喝新鲜果汁咁。而且佢系用烧酎黎整，所以冇纯米酒制成既酵母味，感觉更清爽！
野食方面，饮酒之前会有一杯鸡汤，比大家垫垫胃。而且「松」放题都跟左几款佐酒小食，唔怕冇野𩠌酒，我地仲追加左几种串烧添！
✨关东煮
可以每人自选三款食物，我地拣左鱼糕、福袋、虾饼、鱼饼同萝卜。关东煮既汤鲜美甘甜，而啲食物亦煮到好入味，味道浓淡适中。我最中意既系萝卜同鱼糕，萝卜多汁鲜甜，鱼糕超soft，入口即化～
✨佐酒小食
炸墨鱼咀外层超级脆，但入面既墨鱼咀就非常有咬口，配上蛋黄酱好惹味，好啱用黎𩠌酒；池鱼第一次食，肉质肥美，鱼身部分炸到松软香口，而鱼尾部分就脆卜卜，口感好有变化～
煎饺热辣辣，外表煎到金黄色，而且煎到有黄金既脆底，枝豆份量好多，同平时食既冇咩分别～
✨串烧
叫左鸡心、和牛、菠萝、猪腩肉。呢到既烧猪腩肉同烧鸡心非常出色，猪腩肉肥瘦相间，烧到外层焦香，逼哂啲油出黎，食落唔会好油腻，但有猪油既甘香。鸡心冇奇怪既异味，搽左照烧酱汁，味道甜甜地，肉质柔软，烧到啱啱好湿润唔干身。
张贴
