影片
更多
2022-12-30
62 浏览
就嚟聖誕節，同女朋友行開尖沙咀搵聖誕禮物，行咗成日乜都搵唔到，但係搵到間燒肉，於是就上咗去食。呢一度有一樣特別，就係有部清酒機，只要比$198就可以任飲90分鐘，選擇都幾多，於是乎我同女朋友就試吓佢，啲清酒斟出嚟都給冰凍。食燒肉就一定要食串燒，所以我同女朋友就嗌咗日本雞尾同味噌五花腩，啲雞尾同五花腩燒咗一陣就逼晒啲油出嚟，超香。除咗自己燒，因為等唔切，所以我地仲嗌咗熟食，就係日式燒魚乾，風乾咗之後令到佢魚肉結實，再燒一燒啲香味出晒嚟，配上蛋黃醬簡直一流。跟住就有酒盜薯仔沙律，平時好少會食到呢種沙律，上面有啲類似粟米片咁，幾得意。之後就有燒白鱔，燒完之後魚皮好香脆，相反魚似就好嫩滑，加埋啲醬油調味超香口。之後就到甲羅燒，係將鵪鶉蛋倒入充滿蟹膏嘅蟹殼度燒，鵪鶉蛋令到啲蟹膏成咗型，但食嘅時候呢充滿蟹味。到咗和牛肉眼，呢啲咁貴重嘅食材，梗係有師傅幫我哋燒，師傅果然不負眾望，燒出嚟嘅和牛肉眼牛味濃郁入口即溶。之後就到伊比利亞梅頭，梅頭喺豬嚟講都算係最好食嘅位置，而且係伊比利亞特別重味。跟住牛肉盛合，有好多來自唔同地方嘅牛玉同其他部位，最尾咗啲蔬菜可以俾我哋燒，呢個牛肉盛合，由低至高慢慢食，去到最
呢一度有一樣特別，就係有部清酒機，只要比$198就可以任飲90分鐘，選擇都幾多，於是乎我同女朋友就試吓佢，啲清酒斟出嚟都給冰凍。
食燒肉就一定要食串燒，所以我同女朋友就嗌咗日本雞尾同味噌五花腩，啲雞尾同五花腩燒咗一陣就逼晒啲油出嚟，超香。
除咗自己燒，因為等唔切，所以我地仲嗌咗熟食，就係日式燒魚乾，風乾咗之後令到佢魚肉結實，再燒一燒啲香味出晒嚟，配上蛋黃醬簡直一流。
跟住就有酒盜薯仔沙律，平時好少會食到呢種沙律，上面有啲類似粟米片咁，幾得意。
之後就有燒白鱔，燒完之後魚皮好香脆，相反魚似就好嫩滑，加埋啲醬油調味超香口。
之後就到甲羅燒，係將鵪鶉蛋倒入充滿蟹膏嘅蟹殼度燒，鵪鶉蛋令到啲蟹膏成咗型，但食嘅時候呢充滿蟹味。
到咗和牛肉眼，呢啲咁貴重嘅食材，梗係有師傅幫我哋燒，師傅果然不負眾望，燒出嚟嘅和牛肉眼牛味濃郁入口即溶。
之後就到伊比利亞梅頭，梅頭喺豬嚟講都算係最好食嘅位置，而且係伊比利亞特別重味。
跟住牛肉盛合，有好多來自唔同地方嘅牛玉同其他部位，最尾咗啲蔬菜可以俾我哋燒，呢個牛肉盛合，由低至高慢慢食，去到最後簡直同A5和牛冇分別，入口即溶。
燒海鮮來講，就一定要燒帆立貝，因為佢個殼簡直就好似為咗燒佢而存在，加啲牛油同蒜蓉都可以好好食。
呢個炭火雞睇落好似墨魚，有好污糟，但其實燒完之後，啲雞汁鎖晒入面，外脆內軟。
如果鍾意食羊嘅人，就一定好鍾意食呢個澳洲鮮羊腹腩，羊臊味話重唔重話輕唔輕，而且都幾嫩滑。
食咗咁多嘢都係二千零蚊左右，貴就唔算好貴，而且有得任飲清酒，都幾抵嘅。
张贴
