華姐清湯腩

营业中

休息中

華姐清湯腩果然名不虛傳，咁多年聽嚟聽去邊間食腩河最好食，大多數人嘅答案都係走唔出幾間，而第一間一定係華姐清湯腩，雖然今次係我第二次食，但對上一次已經係兩年前嘅事，今次食個“回頭河”味道依舊清甜好味，我叫最愛嘅崩沙腩河加白蘿蔔，一碗河嘅靈魂主要係個湯，佢嘅湯清甜，飲晒成碗湯之後都唔覺口喝，崩沙腩夠入味，河粉軟硬適中，只可惜白蘿蔔比較淡味，不過整體都分滿意。大家嚟食要睇清楚，旁邊有間叫大利清湯腩，裝修同主打都同華姐一樣，千奇唔好“入錯麵檔食錯河”。