素食一家 (已結業)

素食一家喺洗衣街開業多年, 本來無什麼印象. 最近有好友提起, 原來餐牌大改革, 有更多新式素菜, 可以一試. 結果相約平日中午品嚐.來到素食餐廳環境十分恬靜, 與洗衣街人來人往完全不同.好友負責叫菜. 兩個凉拌頭盤各有特色. 雲耳淮山爽口味淡, 但加上沙律醬後甜滑易入口.凉拌海蜇手撕雞, 海蜇同手撕雞口感幾乎同肉食差不多一樣, 加上少少辣味作為頭盤十分合適.香煎竹笙腐皮卷腐皮十分之薄, 煎起非常酥脆, 內裡包裹材料不多不少剛剛好, 除竹笙外尚有其他素菜, 食落爽口鮮甜.松子黑松露炒飯黑松露香氣撲鼻, 松子有咬口又有松子油香味, 加上其他配菜如粟米菜頭令炒飯入口爽口又味香.薑茶菊花將嫩豆腐切成一朵花模樣, 浸在薑茶中. 賣相非常吸引, 食味就好似薑汁豆腐花, 但份量比豆腐花少. 如果價錢便宜一點就更加吸引.