花漾 (已結業)

去唔到旅行，唯有日日去食唔同國家菜式，天氣乍暖還寒，突然間諗起想食肉骨茶，暖下胃又補身。時代廣場食店主要喺7樓以上，行到6樓俾我見到好有東南亞風情嘅食肆。佢午市套餐有海南雞飯，又有肉骨茶佢個肉骨茶係新加坡白胡椒肉骨茶，同平時飲開好重藥材味深色嘅肉骨茶唔同，佢好清澈比較近似胡椒豬肚湯。我點左個白胡椒肉骨茶麵線。有四大件多肉豬骨，豆卜，豬肚，仲有原個連皮蒜頭，好大碗。午市跟餐可以揀馬來拉茶，店員會好細心咁問使唔使少甜。另外點左款海南雞飯拼肉骨茶套餐白胡椒肉骨茶清湯加上兩件豬骨，大大碟嫩滑海南雞，同油飯，呢個餐感覺豐富。蝦頭油炒通菜，好食但係冇想像中咁惹味同特別。巴東牛肉仲配有脆魚仔，青瓜粒，花生粒，好香口，份量都幾多，好適宜送飯。最初唔知個份量咁大，叫多咗唯有打包，外賣盒一蚊個，好過浪費。