生龍清湯腩 (已結業)

老店既一碗清湯腩已經足以慰藉我放工後疲累既心靈~~哩間生龍既分店應該係新開, 裝潢新淨光猛。哩度menu好多選擇, 唔淨止賣牛腩粉麵咁簡單。加$8就有牛坑腩, 要左一飯一米粉, 牛坑腩非常之腍又香, 食坑腩就係要痴住D脂肪一啖過, 肉香加油香, 點D辣椒油仲正!!湯頭鮮甜滿滿牛味。另外D小食都幾好食, 即叫即整, 自家制墨魚餅又厚又彈牙, 魚肉釀尖椒好香口。仲叫埋個紅豆西多士當甜品, 紅豆餡多西多外脆內軟, 一D都唔馬虎。飲埋杯椰汁紅豆冰都只係人均百零蚊, 抵讚。