影片
更多
2010-06-29
196 浏览
今日休息 , 下午四點我到荃灣探患重病既朋友 , 下午七時半坐巴士返到元朗 , 落車前電【小貴子】揸我車會合 , 後由我揸車去入滿電油 , 八點再到達藍地油站 , 會合已到的【Pius】,我地兩架車泊o係出面巴士站。一齊入去坐o係入門口右最入位置 , 坐低時可能冷氣o岩o岩開 , 加上天氣極度悶熱 , 所以感覺唔係咁好 , 但坐落半小時舒服好多。叫左一個四人套餐三個人食 , 有【青紅蘿蔔煲豬骨例湯、鎮江骨、菜膽雞半隻、瑤柱冬菰時蔬、豉汁涼瓜燜倉魚】, 價格大約是二佰七十元左右。先講例湯【青紅蘿蔔煲豬骨湯】, 真係好好飲好鮮甜 , 我地三個人都唔覺有味精 , 豬骨好多肉煲得好腍食哂...哈!【鎮江骨】係用類似薑醋煮既排骨 , 排骨好疲唔肥好入味 , 我第一次咁食排骨 , 感覺真係唔錯 , 而且我係食得最多既一個。【菜膽雞半隻】伴小棠菜 , 雞好厚肉但冇鮮味肉又實 , 呢味真係麻麻冇特式 , 下次一定唔會再試。【瑤柱冬菰時蔬】呢味幾好食又清 , 瑤柱味道適中唔鹹 , 冬菇大隻兼爽口 , 菜都好新鮮唔錯。【豉汁涼瓜燜倉魚】魚唔新鮮肉梅梅地 , 魚夠大條但大大減分 , 下次都唔會食 , 寧願清
一齊入去坐o係入門口右最入位置 , 坐低時可能冷氣o岩o岩開 , 加上天氣極度悶熱 , 所以感覺唔係咁好 , 但坐落半小時舒服好多。
叫左一個四人套餐三個人食 , 有【青紅蘿蔔煲豬骨例湯、鎮江骨、菜膽雞半隻、瑤柱冬菰時蔬、豉汁涼瓜燜倉魚】, 價格大約是二佰七十元左右。
先講例湯【青紅蘿蔔煲豬骨湯】, 真係好好飲好鮮甜 , 我地三個人都唔覺有味精 , 豬骨好多肉煲得好腍食哂...哈!
【鎮江骨】係用類似薑醋煮既排骨 , 排骨好疲唔肥好入味 , 我第一次咁食排骨 , 感覺真係唔錯 , 而且我係食得最多既一個。
【菜膽雞半隻】伴小棠菜 , 雞好厚肉但冇鮮味肉又實 , 呢味真係麻麻冇特式 , 下次一定唔會再試。
【瑤柱冬菰時蔬】呢味幾好食又清 , 瑤柱味道適中唔鹹 , 冬菇大隻兼爽口 , 菜都好新鮮唔錯。
【豉汁涼瓜燜倉魚】魚唔新鮮肉梅梅地 , 魚夠大條但大大減分 , 下次都唔會食 , 寧願清蒸可能條魚會新鮮好多。
餐後有【白菓腐竹薏米糖水】送 , 每人一碗唔太甜 ok 。服務殷勤不停斟水及執碟 , 抵讚。
【Pius】有事走先佢埋單走人 , 我同【小貴子】睇埋電視【蒲松齡】, 到九點半我同【小貴子】返到元朗 , 泊好車大家各自返屋企。
下次一定會再幫襯 , 一大班人去食仲好~
张贴