華苑潮州餐廳 (已結業)

星期四晚有活動，同去的是公司的同事，佢要在尖咀附近等佢裝頭同裝身。都估到該類活動是無啖好食，所以就趁有限時間自己食少少野先。見呢度係樓上舖，吃得比較方便，就來試試。呢度看樣子是不錯的潮州菜館，牆上貼了不少名人及食家的合照，好似好掂。不宜吃得太飽，所以叫了個粉麵餐，要了潮州豬肉卷米線，及熱咖啡。雖然價錢平平地，估唔到碗米線都幾大碗。豬肉卷是切片上，似一片片札肉的，平舖在米線上。豬肉卷味道都不算很特別，勝在味精又唔係太重；湯底亦是清清的，全靠下了辣椒油才多點味道。好處是吃完應不會口渴，但就真係清淡左少少。咖啡是即溶貨色，如果要渴就提議要檸茶或檸水。看來名人、食家也沒有多大指引性，希望下次來真的吃潮州野，會好一點吧！埋單22蚊，又真係平，一試無妨。