Dama Noodle Bar (已結業)

門面格局好似一間潮版日本拉麵店, 亦都唔係好顯眼, 行過咗都唔知！

睇餐牌你就會知道, 其實係韓國嘢食, 要叫梗係叫最特色嘅人參雞湯拉麵！

人參雞湯拉麵

$138

附送嘅韓國泡菜唔係好辣, 應該係為咗適應香港人口味, 冇咁重手。

雖然個湯係人蔘雞湯, 但係我真係飲唔出有乜嘢人參味, 似鹽味清雞湯多啲； 拉麵系幼麵款式, 都幾爽口； 最精彩係嗰幾塊雞卷, 非常滑溜, 雞味十足！個溏心蛋食得出佢用好多心機整, 醬油滲透去到蛋白！誠意之作, 有啲似清淡版日本白雞湯麵。

服務唔錯, 靚仔侍應都幾貼心！

如果想食清淡少少嘅湯麵係一個唔錯嘅選擇, 重口味嘅食客就未必覺得好食！