湯品小棧 (已結業)

大角咀呢一個夾雜着新舊建築物嘅舊區，真係好多美食！上網見到呢間好特別嘅平民米之蓮餐廳，因為減肥嘅緣故，成日都想出街食一啲比較清淡嘅食物，我相信你一定會幫到我減肥之餘同時間亦都可以比我享受一餐美味又有營養嘅晚餐。松茸燉湯 +米線燉湯上枱嘅時候熱辣辣，餐廳選用窄口陶瓷湯壼，湯料十足！飲落完全冇味精，而且好清淡，唔會話面頭有一層油脂咁肥淋淋秘制鹵 排骨同樣地一口一啲都唔肥，有啲似住家餸，而且味道適中！上湯水餃勁有媽咪包嘅水餃嘅感覺！無晒多餘味精嘅感覺，食完都唔會頸渴。成日覺得越簡單嘅嘢，越難整得好食！而呢一度嘅清淡，味道好+價錢一啲都唔貴，完全令我一定會返嚟再食！