甜入心 (已結業)

今日拜完山，老公去咗淘大細佬屋企幾兄弟打牌，我就同個女去行淘大。見到有2間甜品店。滿x食過好幾次。但扇入心未食過，係門口睇過價錢都唔算貴。而且都幾多選擇，所以就入咗去喇。焦糖布甸椰皇子$36。 職員話可以做到暖暖地，當椰皇子送到枱上，真係暖暖地的。雞蛋布甸好滑，好香蛋味。配上椰汁更香。食到底部係用椰青水做成啫喱。又滑又香。桃寶燕窩椰竹皇子$48。桃寶即是桃膠，肥媽之前係節目介紹過，但一直冇試過。適逢甜入心有得食。當然要試吓。桃膠食落軟綿綿，配上椰秋皇水，好清甜。食到底部同樣有用椰青水做成的啫喱。而且連椰皇肉都刮埋嚟食。正呀！食完每人一個椰皇，覺得唔係好夠，再望望餐牌，原來有午後套餐。叫咗個芒果窩夫。包埋飲品都係$43。好低呀！窩夫整咗個心心，局到剛剛好，顏色吸引。配上芒果雪糕。我同個女係度研究，如果朱古力會唔會太甜呢？!。點知職員聽到，佢話可以比少少朱古力醬我地試試。食落就真係唔錯。下次可以再食。飲品叫咗柑桔檸檬。香濃檸檬味，但柑桔味就冇吔。飲到底有少許椰果肉。最後，要介紹就係甜品店有免費花茶供應。我試咗一小杯，都幾好飲。