花果園餐廳 (已結業)

天氣炎熱，lunch想食d清新食物，於是去左花果園，門口好多人等位，但入坐都算快，餐廳坐位比較窄，亦預左要搭枱。沙律餐感覺比較健康，而且係穩陣之選，叫左白汁吞拿魚牛角包，個包夾住好多生菜吞拿魚，醬汁都幾多，揀配雜果沙律＋吞拿魚沙律，雜果沙律竟然有椰果，整體份量大，材料豐富，真係鋪滿哂成隻碟，而且都幾好味，價錢＄56，跟餐配飲品，精選熱飲加＄4，試左熱黑糖薑茶，好重薑味，都幾辣，另可選配新鮮果汁加＄10。偶然唔想食咁漏既野，呢間係唔錯既選擇。