Ocio (東港城) (已結業)

經過東港城見到有新開餐廳，木系文青風嘅裝潢，加上十足的空間感，令人感覺好舒服，所以就入去試吓。我哋叫左一個晚餐 + 小食 + 甜品已經食得超飽！All Day Breakfast份量十足，有雞扒丶腸仔丶窩夫丶煙三文魚丶炒蛋丶薯條等，相當豐富。窩夫食落好鬆化，雞扒夠嫩滑，炒蛋好滑仲有好香牛油味。另+$78 點了鵝肝多士配焦糖蘋果，鵝肝煎得十分香口，配上酸酸的焦糖蘋果，正好中和油膩感。最後來個蜂蜜雪山熱香餅，賣相已經好吸引，厚厚的熱香餅加上雪糕，感覺好清新。暖暖的熱香餅好軟熟有點像疏乎厘，配上清甜嘅蜂蜜，再食一啖冰凍嘅雪糕，一冷一熱口感好豐富。呢度仲有好多甜品都好吸引，下次要試埋先得！