一起果醬 (已結業)

今日去開佐敦買野，路經見到呢個cafe 見到以果醬做主題又幾吸引，就入左黎食晚餐。田園沙津配熱情果油醋汁，蔬菜新鮮，醋汁偏酸。法式羊架配芒果芥苿汁，估唔到呢個醬汁又同羊架幾夾，味道好清新，羊架偏生，會較嫩滑同好JUICY鍾意食熟d既可以事先要求。意式青醬雞肉意粉，好多青醬足夠沾滿每一條意粉。是日甜品係士多啤梨窩夫，暖暖既窩夫加上忌廉同士多啤梨果醬，酸中帶甜好好食，窩夫又鬆軟，粒士多啤梨仲好鮮甜，食完好想單點多個窩夫黎食，可惜已經好飽，下次黎一定會再叫窩夫黎食 。玫瑰蘋果茶，仲有d蘋果蓉，清甜又好飲。晚餐時間都幾多人，見人流不斷，最後想提醒大家入黎食飯可以順手關門，見到店員不斷要出去關門，確保店內冷氣夠涼同環境較安靜。