影片
更多
2023-04-16
58 浏览
近排長期都keep住好忙，所以都好耐冇同媽子兩個人撐枱腳啦🥺🥺～今日就帶咗媽子去尖沙咀美麗華既MUTA 嘆返餐精緻嘅西日Fushion菜✨🤍成間舖頭都係清新嘅木系裝修🍃🪵店員好nice咁樣安排咗俾我哋坐榻榻米🥰🥰打卡真係一流，好有和風居家氣息！（但如果你唔太鍾意坐榻榻米，都可以揀正常枱櫈，媽子就話榻榻米影相靚啲，但係正常枱櫈傾偈會舒服啲～）今次我哋就試咗：// Salad //富士蘋果 • 三文魚蔬菜沙律 • 柚子醋 $118鍾意食菜嘅媽子當然要叫返個沙律啦😚今次就揀咗呢個蘋果三文魚沙律，都幾特別，佢哋嘅沙律唔係用煙三文魚，而係刺身三文魚😮😮完美體現西式mix日式~三文魚嘅油香，配上蘋果嘅爽甜，再加上柚子醋，真係好fresh!🍎🥒🥗// Snacks //明太子雞翼 • 七味蛋黃醬 $78月見雞肉棒串 $88因為佢哋啲小食太吸引，最後決定叫兩個🤣🤣覺得佢哋呢度啲小食都幾抵😮😮因為平時呢個價錢係居酒屋應該只有一串，但呢一度同樣價錢雞翼有四隻，雞肉棒都有三串😙😙 明太子雞翼個餡好足料，七味蛋黃醬嘅調味亦都好用心！我最愛嘅月見雞肉棒亦都冇令到我失望😆😆配埋蛋黃醬汁，真係好好食🥹🥹🥹// Ri
成間舖頭都係清新嘅木系裝修🍃🪵店員好nice咁樣安排咗俾我哋坐榻榻米🥰🥰打卡真係一流，好有和風居家氣息！（但如果你唔太鍾意坐榻榻米，都可以揀正常枱櫈，媽子就話榻榻米影相靚啲，但係正常枱櫈傾偈會舒服啲～）
今次我哋就試咗：
// Salad //
富士蘋果 • 三文魚蔬菜沙律 • 柚子醋 $118
鍾意食菜嘅媽子當然要叫返個沙律啦😚今次就揀咗呢個蘋果三文魚沙律，都幾特別，佢哋嘅沙律唔係用煙三文魚，而係刺身三文魚😮😮完美體現西式mix日式~三文魚嘅油香，配上蘋果嘅爽甜，再加上柚子醋，真係好fresh!🍎🥒🥗
// Snacks //
明太子雞翼 • 七味蛋黃醬 $78
月見雞肉棒串 $88
因為佢哋啲小食太吸引，最後決定叫兩個🤣🤣覺得佢哋呢度啲小食都幾抵😮😮因為平時呢個價錢係居酒屋應該只有一串，但呢一度同樣價錢雞翼有四隻，雞肉棒都有三串😙😙 明太子雞翼個餡好足料，七味蛋黃醬嘅調味亦都好用心！我最愛嘅月見雞肉棒亦都冇令到我失望😆😆配埋蛋黃醬汁，真係好好食🥹🥹🥹
// Risotto //
蟹肉蟹膏甲羅燒燉飯 $178
呢道菜賣相都真係幾靚！Risotto上面放住裝滿左蟹膏同蟹肉嘅蟹殼🦀🦀見圖就會見到媽子示範如何仙女散花式灑上蟹膏同埋蟹肉～🧚♀️🧚♀️超級鍾意食蟹嘅Food Sec表示呢個場面實在太治癒了😛😛 Risotto煮得好creamy，撈埋滿滿嘅蟹膏同蟹肉，真係絕配～
// Dessert //
蜜柑雪葩•柚子蛋白霜•檸檬醬 $88
呢度嘅甜品真係好似藝術品一樣🎨擺盤非常精緻！✨咁多個component入面 Food Sec 最鍾意係佢個蜜柑雪葩🍊🍊～甜得黎好清新，仲有超級鮮甜嘅真蜜柑🥰🥰
// Drinks //
雲呢拿蘋果批茶 $46
我哋叫咗呢一個好特別嘅蘋果批茶🤣（好想知道究竟點樣可以將一個蘋果批放入一個茶到hahahaha)，原來係蘋果加上肉桂同埋雲呢拿，夾埋都真係好有蘋果批配茶afternoon tea感覺☕️🫖🍵
最後都想講一講，呢一度店員嘅服務真係好好，每一個都超級有禮貌，仲好細心❤️俾我同媽子過咗一段chill chill既quality time😚😚佢哋嘅價錢係呢一個地段都唔算mark up得好犀利，份量都幾足！所以如果你搵緊地方同閨蜜傾吓計、同男/女朋友拍下拖、或者好似Food Sec咁同媽子母女撐吓枱腳，呢間都真係幾唔錯㗎🙌🏻🙌🏻
味道：👩🏻💻8/10
性價比：👩🏻💻7.5/10
環境：👩🏻💻8.5 /10
张贴
