QUE (MOKO新世紀廣場)

营业中

休息中

呢間餐廳一直想去食最近見出左2人套餐就去試一試環境好舒適 非常適合聚餐主打Fusion菜 係現代居酒屋✨二人套餐 $448✨二人套餐非常豐富，有前菜或餐湯選擇，小食五款選一款，主食八選一，仲有好特別嘅壽司塔可同甜品，真係好抵食。🔸脆炸單骨雞翼小食我哋就揀咗呢款脆炸單骨雞翼，雞翼炸到金黃香脆，肉質嫩滑多汁，點埋明太子醬食非常惹味。🔸松葉蟹味噌甲羅燒燴飯我哋加咗$58點呢個飯作為主食，大大個甲羅燒真係睇到都流晒口水，燴飯用咗海膽汁去烹調，鮮味十足，將甲羅燒同燴飯撈埋一齊食味道好夾。🔸香蔥拖羅蓉牛油果醬壽司塔可/辣味帆立貝壽司塔可香蔥拖羅蓉牛油果醬壽司塔可嘅拖羅鮮味十足，食落完全冇筋，牛肉果醬好口感Creamy。帆立貝口感滑滑彈牙，辣辣地非常惹味。不得不提壽司塔可嘅紫菜做得好出色，炸到非常香脆，令到口感更有層次。🔸京都宇治抹茶提拉米蘇盒子提拉米蘇盒子外觀精緻，食落口感非常滑溜creamy，抹茶味道香濃，同時食到淡淡嘅酒香味，仲有糖漬紅豆喺底，一齊食好好味。🔸香桃富士梳打/青蘋果泡泡綠茶我哋加咗$38升級做呢兩杯特色飲品，兩杯飲落都非常涼快，好適合喺呢個炎炎夏日度飲。