Séan Cafe (已結業)

上星期有同事介紹話尖沙咀有一間CAFÉ環境幾好，於是就諗住帶女友去試下。平日七點幾黎到，店舖唔大，大約20個位左右，但都差唔多坐滿，好彩之前預先有訂位。 店舖入面有好多花既裝飾，環境都幾舒服。睇反個menu，有dinner set 同埋單點。SET 其實都幾抵，有餐湯，主菜加埋杯飲品，但係女朋友就想試下黑松露白汁蘑菇意粉，所以單點一個意粉，跟住我就叫左鴨胸意大利飯套餐。 餐湯係白汁磨菇湯，但勝在餐具夠精緻。 我同女朋友都好鍾意黑松露，依碟黑松露白汁蘑菇意粉真係值得推介，好香黑松露味，而且意粉夠淋，岩哂我地食。 跟住就到套餐既玫塊忌廉汁鴨胸意大利飯，賣相一流，我以為只係係碟面加左玫瑰，但原來飯入面都有玫塊，感覺好清新。 黎到café叫甜品梗係唔少得，叫左個香蕉蜜糖pancake，甜品係即制，見到老闆娘即時溝粉，加蛋整pan cake, 之後仲好有心思咁整好伴碟，雖然制作係需要時間，但成件事好精美，而且pancake都好好味，作為飯後甜品一流。 女朋友話依間餐廳好適合女仔去，無介紹錯，仲話決定下次同女仔朋友去…..