撈麵俾人印象係街頭小食，但台式拌麵就完全唔頽，係材料同環境方面都花左心思
店舖以和諧嘅暖黃色為主，以木為主嘅風格好清新舒服，亦俾人隨意自在嘅感覺。
建議錢轉飲品，平過單叫一半，亦抵飲過街外飲品店
1.私房花雕雞拌麵
分量來講唔算好多，大食嘅男仔呢應該未必夠食啦，但係女仔呢就剛剛好嘅
不過我好欣賞佢嘅食材好新鮮，係擺碟方面亦都好有心思，花雕雞好入味，配上香甜嘅汁，仲有一粒粒完整嘅杞子，睇得出好真材實料，肉係連骨嘅雞件好有口感，亦都唔會鞋，唔會帶有肥肉食起嚟，好清新！
配上好少甜味但清涼嘅仙草茶就岩唔，真係有得啜
係草本嘅味道。
2.花枝丸一份有六粒，岩哂同人分享，咬落唔厚粉，所以外皮好脆，入面有爽口嘅魚肉，推薦！
3.和牛炸醬拌麵
和牛炸醬呢個配搭好有新意，味道無想象中濃，反而係幾清香唔會辣，配上半熟嘅太陽蛋攪勻後，蛋汁令麵條更加香，蔥同青瓜絲就口感爽脆。
ps.如果你喜歡大啖大啖肉咁食，呢個未必適合你
4. 黑糖珍珠鮮奶
讚！平時好怕呢種飲品，睇開我食評都知從來無post過，今次一試，奶好香滑易入口，偷望到入面用真鮮奶，黑糖好香又唔太甜，珍珠好QQ。
ps.店內不設甜度調整，跟足台灣口味，但平日飲台式飲品叫三分糖嘅我都好鐘意，真係恰到好處，虎唔虎紋對我真係唔重要，加$15性價比真心高
買包老媽拌麵本身都唔係好平，加少少落店感受下台灣風味，配上特色小食，都值得嘅！
