NUTTEA (時代廣場) (已結業)

今日同姨甥女食完晚飯去行銅鑼灣時代廣場，係citysuper 隔離見到主打堅果茶嘅NUTTER，見餐牌上有非常多選擇，未飲過堅果奶蓋茶茶嘅我，一於買杯試吓先，我揀咗杯攞金獎同每日限量100杯嘅伯爵朱古力堅果奶蓋茶！跟著NUTTEA指示可品賞到吾同層次，好細心啊！伯爵朱古力堅果奶蓋茶$48 首先用鏟子吃面層有可可粉嘅堅果奶，濃香嘅朱古力夾雜着奶蓋又香又Creamy好似食緊朱古力mousse 咁，跟著用45度角飲大啖連奶蓋同下層伯爵茶，茶味好香又清新，飲後口腔充滿伯爵茶餘韻，然後攪勻連奶蓋一齊飲，簡直天衣無縫非常好飲，最後重咬到少少堅果碎，真心好正