糙米家 (已結業)

係香港區返工,呢日要成8點先放工...orz咁晏放工, 想快d食飯又唔想去銅鑼灣果d多人地區, 就黎到北角搵食七姊妹道附近都食都幾多餐廳,今日就試下糙米家! 一出北角站B4出口斜對面就見到，好易搵。一入店舖，感覺好清新，有棵假樹在一角裝飾，座位都算寬敞我同男朋友叫了忌廉汁煙三文魚焗長通粉($68)同埋南瓜豬扒糙米飯($56+$3(焗飯))焗長通粉就不過不失啦,雖然係芝士焗忌廉汁,但食落唔會"漏",旁邊配菜絕對唔係hea hea青豆紅蘿蔔!至於個豬扒飯，真係要讚！！首先想分享下,我其實唔中意食豬扒飯的!!!講起焗豬扒飯，相信大家都會諗起快餐店個大哥焗豬扒飯，但我就覺得好好肥膩喇...唔知大家有無同我一樣，每次食親都會刮走豬扒表面果塊「皮」，雖然聽講係蛋漿!?但就覺得係一層皮，又淋又唔香.....而糙米家絕對令我對豬扒飯改觀！我選擇ge係南瓜汁，食過真係唔想返轉頭食「茄膏撈飯」啊！佢個糙米飯係用左紅米+黑米+糙米+白米煮，食得健康之餘，口感豐富絕對唔會輸比「炒飯底」！而塊豬扒呢！煎得香之餘，軟硬度適中，最重要當然無我最怕ge「蛋漿」啦！整體黎講好滿意，食材健康得黎份量都好足夠，男士食都夠飽