茶狼 (已結業)

一直都愛飲珍珠奶茶，都會周圍試唔同嘅台式茶店，九龍灣新開不久嘅茶狼主打茶系，初開張時勁排長龍，今日見無乜人就決定會一會隻狼! 我叫咗杯`珠珠甘蔗青茶'，少甜，甜味少咗，甘蔗味都淡咗，但就有淡淡又清新嘅青茶味，飲落好舒服，好清!朋友叫咗`珠珠菊花白露茉莉'，少甜，呢杯有較濃嘅茶香，即使少甜都好夠茶味!珍珠非常好咬口，正!整體嚟講又唔算太特別，呢個價錢似乎偏貴，同埋等候時間都較耐，唔怪得好似成日都咁多人咁!呢度嘅餐具自取，都算整齊方便!