東京淺草炸雞專門店 (碧海藍天) (已搬遷) 新店位置

終於有時間嚟到東京淺草炸雞專門店一試佢地嘅名物－炸雞！以我觀察七點半前嚟到都唔洗排隊，強烈建議大家七點鐘左右到咁就唔洗等位。餐廳乃日式家庭料理概念，中庭有自助飲品吧，環境寬闊，行得舒服，坐得都舒服。餐牌設計同醬汁座甚有吉豚屋味道，未知兩間係咪同一集團。呢到食炸雞價錢絕對相宜，四件炸雞連同大量椰菜伴三個特色醬汁，仲有一個白飯同麵豉湯，都只不過係五十幾蚊，仲抵食過快餐。炸雞肉身好滑，不過略嫌唔夠juicy，好食嘅炸雞應該有肉汁雞油輕輕咁樣流出嚟，但以佢嘅價錢來講質素已經遠超水準。可惜食到中途會好寡，未至於停曬手，但無令人想繼續食嘅感覺，有種來來去去都係同一味道同口感嘅感覺，四件對我嚟講係maximum，五件會令我嘅satisfaction level下降。我會形容佢似似配菜多過主菜，小食幾件會好滋味，但若然成餐飯都食佢嘅話就會好單調。