影片
更多
2019-12-17
66 浏览
自龍門表態以黎食左佢幾十次，唔係住油尖旺既我都視佢為飯堂咁濟，一直想寫食評但又覺得點寫都唔夠好。香港人反抗左半年，五大訴求尚未成事，但都建立左好多劃時代既產物，例如黃色經濟圈。金馬倫道最可以反映黃色經濟圈既成效，一間龍門做到無停手，另一間冰室執7左嚕。今次分享下黎龍門食野既點滴。初初龍門同富臨割蓆，再高調撐手足同學生時，尖沙咀呢間晚餐時段基本上係大排長龍，幾重人蛇迫到金馬倫道行人路郁唔到。有時肚餓得滯都忍唔住要放棄懲罰佢。人多既時候，大家都搭枱坐，迫埋一齊，聚首一堂。樓面姐姐得3-4個，好忙唔夠人用，想落個單都難，但大家黎得懲罰既，都會好乖咁等。等緊果陣，咪睇下啲黃裝飾，掛畫幾靚。有時撞見一兩個press/FA入黎食，心情就會突然沉重左。香港人係幾trendy，通常有新聞果幾日就會多人啲。紅磡/銅鑼灣舖比人破壞果陣，龍門老細張俊傑去poly教煮咖喱果陣，通常就要等耐啲。記得區選出完結果果晚又去龍門食宵夜，個知客哥哥好似零舍開心，雀躍咁不斷派籌同帶位，仲講笑話安撫啲等緊既：「唔駛心急，今晚有你一席位！」講真，野食味道唔係特別吸引，但黎到呢到支持既人，一定係食龍門老闆既人情味！都要講返下食
初初龍門同富臨割蓆，再高調撐手足同學生時，尖沙咀呢間晚餐時段基本上係大排長龍，幾重人蛇迫到金馬倫道行人路郁唔到。有時肚餓得滯都忍唔住要放棄懲罰佢。
人多既時候，大家都搭枱坐，迫埋一齊，聚首一堂。樓面姐姐得3-4個，好忙唔夠人用，想落個單都難，但大家黎得懲罰既，都會好乖咁等。
等緊果陣，咪睇下啲黃裝飾，掛畫幾靚。
有時撞見一兩個press/FA入黎食，心情就會突然沉重左。
香港人係幾trendy，通常有新聞果幾日就會多人啲。紅磡/銅鑼灣舖比人破壞果陣，龍門老細張俊傑去poly教煮咖喱果陣，通常就要等耐啲。
記得區選出完結果果晚又去龍門食宵夜，個知客哥哥好似零舍開心，雀躍咁不斷派籌同帶位，仲講笑話安撫啲等緊既：「唔駛心急，今晚有你一席位！」
講真，野食味道唔係特別吸引，但黎到呢到支持既人，一定係食龍門老闆既人情味！
都要講返下食物既。茶餐廳選擇，最緊要多配搭。我食過大部分餐，最推薦既係龍門三扒豬牛雞，晚餐$70。
张贴
