龍門客棧

营业中

休息中

喺大埔經過，見到一間好有趣既小店，中午做車仔麵，晚市做小菜，而車仔麵仲要有秘製醬汁，真係非常吸引~入到去就比呢幅粉筆畫吸引咗，有時手繪既嘢真係會有情感好多~另外幾面牆都有好獨特既MENU~而車仔麵當然要有專屬既剔剔紙喇~用咗掛牆既方式，又慳位又衛生~招牌牛坑腩、 蘿蔔、 豬皮、日本冬菇、麻辣汁配河粉～ 會highlight 牛坑腩，食車仔麵通常會比較少見到呢個item，多數都係喺粉麵店先會見到，而且佢做得非常出色， 口感一流 、牛味十足！ 麻辣汁都係非常之特別！！ 既香且辣嘅味道充斥味蕾！！蘿蔔、招牌牛坑腩 、咖哩魚蛋、 墨魚丸、鮮牛丸、 車仔汁配幼麵～ 會highlight 咖哩魚蛋，咖哩汁非常入味，而且魚蛋係有咬口並帶有陳皮香， 車仔汁，係秘製嘅醬汁，非常惹味！味道一流！