影片
更多
2018-07-21
143 浏览
又係同女朋友每月紀念日，今次去咗銅鑼灣利園附近嘅一間西餐廳。呢度晚餐只有set dinner，而且食物選擇都唔算多，但係各種肉類，海鮮，飯同意粉都有。我哋每人要左一set，前菜方面本身有沙律，但係我哋兩個都升級左。要咗一份法國鵝肝配焦糖酒醋藍莓，同埋大蝦占米多。先講鵝肝，鵝肝煎得好甘香，配合埋焦糖酒醋藍莓酸酸甜甜冇咁油膩，加埋薄薄嘅脆麵包一齊食，口感同味道都一流。另一個大蝦占米多都好特別，原本以為係蝦多士，原來係大蝦起肉之後，面頭加左煙肉，蒜蓉同洋蔥粒，再加埋濃濃既忌廉汁。而且蝦頭仲要係充滿蝦膏，好香好香！之後到餐湯，同樣地我哋都係加咗錢升級要左一個黑松露忌廉湯同蟹肉南瓜忌廉湯，配上牛油脆多士。前者既忌廉湯係用菇菌打出黎，仍然保持一粒粒口感，而且面頭嘅黑松露醬非常多，撈埋一齊味道超濃郁！後者嘅南瓜湯就比較稀，味道清甜，入面有少少蟹肉絲，味道都唔錯。終於到主菜，先黎一份黑松露麵包蟹意大利飯。充滿芝士味既蟹肉意大利飯軟硬度適中，釀入麵包蟹殼，賣相十分精緻。加埋放喺旁邊既黑松露醬，真係好食到不得了！另一個主菜係德國燒鹹豬手，一上枱真係俾佢嚇親，份量超級大，幾個人一齊share食都冇問題！先講
呢度晚餐只有set dinner，而且食物選擇都唔算多，但係各種肉類，海鮮，飯同意粉都有。
我哋每人要左一set，前菜方面本身有沙律，但係我哋兩個都升級左。要咗一份法國鵝肝配焦糖酒醋藍莓，同埋大蝦占米多。
先講鵝肝，鵝肝煎得好甘香，配合埋焦糖酒醋藍莓酸酸甜甜冇咁油膩，加埋薄薄嘅脆麵包一齊食，口感同味道都一流。
另一個大蝦占米多都好特別，原本以為係蝦多士，原來係大蝦起肉之後，面頭加左煙肉，蒜蓉同洋蔥粒，再加埋濃濃既忌廉汁。而且蝦頭仲要係充滿蝦膏，好香好香！
之後到餐湯，同樣地我哋都係加咗錢升級要左一個黑松露忌廉湯同蟹肉南瓜忌廉湯，配上牛油脆多士。
前者既忌廉湯係用菇菌打出黎，仍然保持一粒粒口感，而且面頭嘅黑松露醬非常多，撈埋一齊味道超濃郁！
後者嘅南瓜湯就比較稀，味道清甜，入面有少少蟹肉絲，味道都唔錯。
終於到主菜，先黎一份黑松露麵包蟹意大利飯。
充滿芝士味既蟹肉意大利飯軟硬度適中，釀入麵包蟹殼，賣相十分精緻。加埋放喺旁邊既黑松露醬，真係好食到不得了！
另一個主菜係德國燒鹹豬手，一上枱真係俾佢嚇親，份量超級大，幾個人一齊share食都冇問題！先講配角薯條，係新鮮即炸，超級香口，同平時食到既好唔同。
主角豬手夠味得黎又唔會太咸，根本唔需要加BBQ醬。個皮燒到超級脆，啱晒食肉獸嘅我！反而如果有埋平時配合豬手嘅酸菜就更perfect!
最後飲埋兩杯嘢飲，真係飽到上心口！
呢間餐廳好有家庭式私房菜咁嘅感覺，外面裝修雖然唔起眼，但食物質素超高，而且份量十足，情侶慶祝或者一大班人聚會都好適合。
张贴
