美而廉餐廳 (已結業)

落開深水步掃墨盒，行過見倒價錢唔貴又有位，加上連天大雨都唔想周圍搵食，所以就來幫襯了。呢度燈光幾暗，加埋直角片位，一片舊式本地西餐廳feel。選擇都不少，由鐵板雞、豬、牛、羊扒，到各式炒粉麵飯都有，當然少不了的是港式西餐必有的名汁，即紅汁、白汁、黑椒汁同蒜蓉汁啦！好唔好食就未知，梗有一款合口味的。叫了咸豬手餐，黑椒汁另上。紅湯一貫水準，重茄膏味；豬手份量不少，味道當然不能說是很好，但醮黑椒汁都不算太難吃。埋單六十幾，都算唔太貴，難怪吃飯時都有好多後生仔幫襯的。