泰潮 (已結業)

行完黃金電腦商場梗係要搵返啲好嘢食，見佢連續幾年都係米芝蓮推介所以決定試吓！原來佢係泰國人開嘅添呀！ 我哋分別叫咗個海南雞飯同埋豬髀飯，餐飲配青檸梳打同龍眼冰，仲有泰式雞湯附送。海南雞飯係好味嘅，雞肉非常嫩滑。而個豬髀飯比較有驚喜，少有地配鹵水大腸同酸菜，簡直一流。平時食開果啲豬髀飯都好乾身，但呢個就唔同，佢又提供足夠嘅醬汁架，所以食到最尾都仲有汁撈飯！同埋佢俾咗勁多豬髀我，好正呀喂～ 另外，Facebook like & check-in 仲有 9 折優惠添，折扣後每人 $60 左右，幾抵食呀！