舅父仔火鍋專門店

营业中

休息中

深水埗最近有咩火鍋店抵食但唔係放題，新開嘅舅父仔火鍋專門店就幫到你。佢哋嘅二人套餐非常抵食，已經包括了前菜小食，湯底，牛肉，餃類蔬菜及主食，食材非常有質素，唔係任食嘅材料。餐廳侍應亦推介我哋試吓佢哋嘅二人套餐仲推薦沙嗲湯底，九龍城有一間出名食沙嗲湯底，舅父仔嘅沙嗲湯底可以同佢一戰。前菜方面就叫左青瓜雲耳份量非常大碟，肉類就叫咗佢哋嘅極品封門柳，牛肉味非常安樂，唔會太油，而家個人比較喜歡肉味濃郁唔會太油嘅牛肉。你話要非常推薦佢哋嘅手打丸及自家製餃子。蝦丸非常爽彈墨魚丸用上全部墨魚手打，唔會加粉。自家製雲吞及鮮蝦水餃都係用上新鮮豬肉及鮮蝦製成，非常有誠意。餐廳仲附上蔬菜拼盤，豆腐，兩個公仔麵仲有兩支汽水。另外我哋叫咗芋絲及豆腐，仲有經理推薦嘅黃金炸響鈴，新鮮即炸嘅響鈴，配上蛋黃非常惹味，邪惡感十足。想食有誠意嘅火鍋店就一定要黎試吓舅父仔專門店。