堤諾比薩 (已結業)

深水埗有好多好食嘅小店，今日嚟到一間望上去高級小小嘅西餐朋友食lunch。午餐嘅價位大約係$60至＄70，有主菜有餐湯有沙律包野飲， 尚算豐富。中午時間12點半入座，完全唔需要等位，裝修企理， 都幾好坐。餐湯質素一般，同茶記差唔多。 沙律菜都唔算特別新鮮。我哋兩個人食叫咗一個pizza叫咗一個飯，份量都算幾多。叫咗個黑松露pizza， 松露味唔算好重，都幾啱香港人口味。飯嘅份量好多，質素不錯。奶茶都幾好香滑同埋甜度恰到好處，成餐飯最滿意係佢杯奶茶。但呢個價錢來講我覺得唔算十分抵，下次都未必會再嚟