鴻昌燒臘飯店

营业中

休息中

鴻昌燒臘飯店今次要介紹一間喺深水埗有一間超抵食嘅燒臘飯店叫「鴻昌燒臘飯店」，呢間燒臘飯店下午茶餐$25，雙拼只係加$10，仲配埋上湯、瀨粉同時菜，優惠時段係1430-1700，仲有仲有長者仲平，如果持有長者卡就可以用$16嘅優惠價買燒肉飯，仲配埋老火湯，我諗應該係平絕全港嘅燒臘飯店！1.炭火叉燒皇+脆皮靚燒肉$58+凍咖啡$3（9.5/10）呢碟叉燒加脆皮燒肉飯真係好好味，有8舊甜甜地嘅叉燒唔會鞋柴，叉燒用炭火燒不嚟唔會乾身，有肉汁之餘，又唔會太肥，至於脆皮燒肉有5舊，每1舊燒肉唔會過咸，燒肉燒得好脆，咬落燒肉都幾熱下，又唔會太肥，仲配埋菜心苗，唔老好嫩老火湯係菜乾紅蘿蔔豬骨湯，甜甜地勁多湯料，店員仲會問你加唔加湯！飲品揀咗凍咖啡，只係加$3，咖啡有少少甜！2.鴻昌燒鵝皇+瑤柱香妃雞$65+凍檸茶$3（9.5/10）呢碟燒鵝皇加瑤柱香妃雞個燒鵝應該係佢哋個招牌菜，燒鵝有5件，每1件燒鵝肉質非常嫩，唔咸又唔硬，瑤柱香妃雞都有5件，每1件雞肉肉質都好嫩滑，仲配埋菜心苗，唔老好嫩，老火湯係菜乾紅蘿蔔豬骨湯，甜甜地勁多湯料，店員仲會問你加唔加湯！飲品揀咗凍檸茶，只係加$3，茶味同檸檬都好夾，好