快靚正燒味粉麵茶餐廳 (已結業)

想係深水埗食燒味飯, 快靚正應該都係數一數二既出名好食既所以就去左個度叫左D燒味今晚加餸 燒腩仔呢度最出名必叫既一定係燒腩仔, 肥瘦適中, 正正係燒腩仔既特色比起燒肉既肉質更加嫩滑同吸引最正就係個皮好脆, 而個肉就好嫩滑, 成舊放入口個層次感出哂黎, 中間個層肥肉完全冇油膩感, 反而好香口既燒油味道, 不禁令人食完一舊又一舊!!! 燒鵝燒鵝亦係呢度好出名既, 係自家燒既關係, 個皮真係勁脆, 而且薄薄的一片, 燒鵝味勁濃, 加上佢既油香入哂入D鵝肉度, 食落去除左嫩滑仲好香既燒鵝味!!! 必食推介