六本木日本料理

营业中

休息中

放假同男朋友去咗深水埗買旅行數據卡，買完就搵附近餐廳食晚飯。我哋最後行山去青山道食呢間日本餐廳。刺身盛- 我哋揀咗兩隻兵庫縣室津生蠔、吞拿魚、油甘魚、帶子，款款新鮮，唔會有腥味。最鍾意生蠔，肉質滑溜，鮮甜😋北海道檸檬海蜇- 呢個好清新，海蜇超級爽口，加上條配嘅檸檬汁，味道好輕盈，夏天食感覺好清爽👍🏻沖繩魷魚軟骨- 魷魚軟骨好入味，食嘅時候沾上柚子粉、辣粉或者蒜蓉，有三種唔同嘅風味😋仲可以夾埋伴碟嘅青瓜絲一齊食添。六本木秘製牛肉- 店員上枱之後會點火槍，火力燃燒牛肉鐵架底下嘅粗鹽，食嘅時候牛肉充滿燒過嘅焦香，加上肉質超級柔軟，粉嫩五成熟，少少鹹香，牛味濃，好好食😋芝士玉子燒- 鐵板好夠熱，玉子香噴噴，配上熱熔芝士，軟綿軟綿，少少奶香，好食😍和牛石頭飯- 和牛粒份量充，肉質一樣好，唔會乾柴，仲有好多配料，例如椰菜、粟米、洋蔥，再加上同埋溫泉蛋，全部撈埋一齊好香，味道豐富😋